تخيل إنك تدخل منصة العمل الحر كل يوم وعينك على الطلب اللي بيغير

حالك، بس تصدمك الواقع إن السوق صاير هادي، والطلبات أقل واجد عن

قبل.

الناس اللي تتابع الأرقام والنتائج في منصات العمل الحر الكبيرة مثل "فايبر" لاحظوا الفترة الأخيرة ظاهرة غريبة ومهمة؛ عدد المشترين السنويين في نزول

مستمر من أكثر من ثلاث سنين، ووصل التراجع لخسارة مئات الآلاف من

المشترين في فترات قصيرة، والأرقام قامت تنزل من ملايين لمستويات أقل

بكثير.

السبب المباشر ورا هالشي مو مجرد صدفة، التقرير المالي لهذي المنصات

وضّح نقطتين أساسيتين:

الذكاء الاصطناعي دخل وبقوة وصار يغني عن كثير من الخدمات البسيطة

والصغيرة والسريعة اللي كانت تدخل دخل طيب للمبتدئين.

المنصات نفسها بدأت تغير استراتيجيتها على الخدمات رخيصة الثمن، وحوّلت

تركيزها كله للمشاريع الكبيرة والعملاء اللي يدفعون مبالغ طائلة في المشروع الواحد.

وهالشي يفسر ليش كثير منا صاروا يحسون بصعوبة كبيرة في جلب أول عميل أو الحصول على طلبات جديدة بنفس السهولة اللي كانت موجودة إيام أول.

بس هذا مو معناه إنها النهاية! الصدق إن اللعبة تغيّرت، واللي بيستمر هو

اللي بيطور من نفسه ومن جودة شغله، ويقدم حلول حقيقية مو بس خدمات

تقليدية يقدر الذكاء الاصطناعي يخلصها في ثواني معدودة.

إنتوا شنو ملاحظين في السوق هالفترة؟ وهل تشوفون إن الذكاء الاصطناعي والمنافسة أثروا على شغلكم ولا لا؟